بەڕێوەبەرایەتی كەناڵ ٨ رایگەیاندوە لە کاتى پەخشکردنى دیمانەیەك لەگەڵ بەڕێز موراد قەرەیلان ئەندامى کۆمیتەی بەڕێوەبەریی پەکەکە، پەخشى کەناڵ8 لەسەر مانگى دەستکردى نایلسات و یاهسات و پەیجى فەرمیى کەناڵەکە لە تۆڕى کۆمەڵایەتیى فەیسبووک راگیرا.
ئەم هەنگاوە دژی ئازادی كاری رۆژنامەگەری و ئازادی رادەربڕینە بۆیە لیژنەی داكۆكی لە ئازادی رۆژنامەنووسی و مافی رۆژنامەنووسان بەتووندی سەركۆنەی ئەم هەنگاوە مەترسیدارە دەكات كە لەدژی كەناڵێكی هەرێمی كوردستان ئەنجام دەدرێت و داواش لە لایەنە پەیوەندیدارە عێراقی و. هەرێمی كوردستان
دەكات هەرچی زووە لایەنی ئەنجامدەری ئەم. كارە دژ بەئازادیی رۆژنامەگەریی ئاشكرا بكەن و رێكاری یاسایی دەستوەردان لەدژی لایەنی ئەنجامدەر بگرنەبەرو دڵنایی ئەوەش بدەن. كە كاری لەمجۆرە دووبارە نەبێتەوە كە ببێتە دەنگ كپكردن و رێگری لە ئازادی رۆژنامەگەریی .
لیژنەی داكۆكی لە ئازادی رۆژنامەنووسی و مافی رۆژنامەنووسان
سەندیكای رۆژنامەنووسانی كوردستان
٢١ی ئاداری ٢٠٢٥
