ئەمرۆ لەشاری سلێمانی و لەباخی گشتی بەئامادەبوونی تیمی پەیامنێرانی زۆرینەی دەزگاکانی ڕاگەیاندنی هەرێمی کوردستان لیژنەی داکۆکی لەئازادی رۆژنامەنوسی و مافی رۆژنامەنوسان لەسەندیکای رۆژنامەنوسانی کوردستان راپۆرتی ژمارە (25) شەش مانگی یەکەمی ساڵی ٢٠٢٠ ڕاگەیاند،لەلایەن سکرتێری لیژنەی داکۆکی د.نەزاکەت حسێن سەره‌تا باسی بارودۆخی رۆژنامەنوسی و رۆژنامەنوسانی لەم قەیرانە تەندروستیەی بەسەر جیهان و هەرێمی کوردستان و ئەو ئاڵنگاریانەی کە بۆ کاری میدیایی و رۆژنامەنوسیان دروست کردوە بەتایبەتی لەهەرێمی کوردستاندا کردو ئاماژەی بەژمارەی توشبوانی رۆژنامەنوس بە پەتای کۆرۆنا کە ژمارەیان ٨٥ رۆژنامەنوس کە لەناویاندا رۆژنامەنوسێک گیانی لەدەست داوەو،بەردەوامیش داتاکانی توشبوونی رۆژنامەنوسان بەکۆرۆنا لە هەڵکشاندایەوە لەهەمان کاتدا ئاماژەی بەرۆڵی لیژنەی داکۆکی ونوسینگەی سەلامەی پیشەیی لەسەندیکای رۆژنامەنوسانی کوردستان کرد کەلەسەرەتای پەتای کۆڤید ١٩ تا ئێستا تا چەند ڕێنمای و ئاگاداری و هەنگاویان ناوە بۆ پاراستنی رۆژنامەنوسان لە توش بوون بە پەتاکە.لەبەشێکی تری قسەکانیدا ئاماژەی بە هەڵکشانی ڕێژەی پێشێلکاریەکان بەرامبەر ڕۆژنامەنوسان لەماوەی ئەم ٦ مانگەدا دا کە بەبەراورد بە ساڵی ٢٠١٩ رێژەکەی زۆرزیادی کردوە،ئەمەش بەشێکی بۆ ئەو قەدەغەی هاتوچۆیە بوو کەبەهۆی پەتای کۆرۆناوە دروست بوو کە هۆکاری بەشێکی زۆری ئەوڕێگری وپێشێلکاریانە بوون و ئەو خۆپیشاندانانەش کەلەم دوایەدا ئەنجام دران و وەلەهەمان کاتیشدا کە ئەو میکانیزمە نوێیانەی کە لیژنەی داکۆکی گرتویەتیەبەر بۆ کۆکردنەوەی پێشێلکاریەکان و زیاتر گرنگی دانی بەناوچە جێناکۆکەکان و بەدواداچوونی بۆ ئەو پێشێلکاریانەی کە بەرامبەر رۆژنامەنوسان دەکرێت لەوناوچانەدا کەبەشێکی زۆری ئەو پێشێلکاریانەن کە لەم ڕاپۆرتەدا تۆمارکراون. و هەوڵ و هەنگاوەکانی بەرێز نەقیبی سەندیکاو ئەنجومەنی سەندیکا بۆ پەیوەندی کردنی بە لایەنە پەیوەندیدارەکان لەسەر ئاستی ناوخۆیی و عێراقی و جیهانی بۆ کەم کردنەوەی پێشێلکاریەکان بەرامبەر رۆژنامەنوسان و بە سزا گەیاندنی ئەنجامدەرانی. جێی باسە کە داتای پێشێلکاریەکنی ئەم ٦ مانگە بریتی بوون لە ٨٦ حاڵەت بەرامبەر ١٩٩ رۆژنامەنوس کە ١٩٧ نێرو ٢ یان مێ، بەرزترین جۆریان ڕێگری کردنە لە ڕوماڵ و کە ٣٧ حاڵەتە و دوای ئەوە دەستگیرکردنە کە ٢٠ حاڵەتە بەدوای ئەویشدا جۆرەکانی تر.
بۆ خوێندنه‌وه‌ی كلیك له‌سه‌ر راپۆرت بكه
