دوێنێ ٤ شەممە بەرواری ٢-٢-٢٠٢٢ لەکاتی رووماڵی رێوڕەسمی بەخاکسپاردنی 12 شەهیدی هێزەکانی سووریای دیموکرات لە گۆڕستانی شەهیدانی قامشلۆ، هێزێکی نەناسراو هێرش دەکەنە سەر تیمی تۆڕی میدیایی رووداو کە لە پەیامنێر ڤیڤیان فەتاح، وێنەگر عیسا حەسەن خەلەف و شۆفێر عەبدوڵڵا مەژدەل پێکهاتبوون.لەهەمان کاتدا 6 ژنی ئەندامی ئاسایشی قامشلۆ لە گۆڕستانی شەهیدان رێگری و بێ رێزی بە ڤیڤیان فەتاح، پەیامنێری رووداو دەکەن و دواتر دەبردرێتە ناوەندی ئاسایشی قامشلۆ.جگە لە لێدان و ئەشکەنجە کە ئاسەوارەکەی بەجەستەی رۆژنامەنوسەکانەوە دیارە.دووبارەبونەوەی ئەم کارانە بەتایبەتی بەرامبەر کەناڵی ناوبراو کەلەساڵی رابردوودا چەند جارێک لەهەمان شار نوسینگەکەیان داخرا،بەکارێکی سیاسی وریکخراو بەمەبەستی دەبینین. بۆیە ئێمە لەلیژنەی داکۆکی لەئازادی رۆژنامەنووسی‌و مافی رۆژنامەنووسان بەتوندی ئەو کارە شەرمەزار دەکەین‌و بەکارێکی دوور لەپرانسیپەکانی ئازادی رادەڕبڕین‌و کاری رۆژنامەوانی دەزانین، داواش لەلایەنی بەر پرس لە بەرێوبەرایەتی خۆسەر لەرۆژئاوای کوردستان دەکەین کار بۆ راگرتنی ئەو پێشێلکاریانە بکات‌و تاوانباران دەستگیر بکات رادەستی دادگایان بکات، تاکو گیانی رۆژنامەنووسان‌‌و ئازادی کاری میدیایی لە رۆژئاوای کوردستان پارێزراو بێت.
لیژنەی داکۆکی لە ئازادی رۆژناگەریی و
مافی رۆژنامەنووسان
٢/٢/٢٠٢٢