نوینەرا سەندیکا روژنامەڤانێن کوردستانێ، رۆژنامەڤان (ڤیان عباس) پشکداربوو د کومبونەکێ دا دگەل جێگرێ ھناردێ بالیوزێ ئەمریکا ل عیراقێ، و ب ئامادەبوونا قونسلێ گشتی یێ ئەمریکا ل هەولێرێ، و ژمارەکا رێکخراوێن گرێدای ب کارێ روژنامەڤانان ل کوردستانێ.
د ڤێ کومبونێ دا، بەحسێ کار وچالاکیێن سەندیکایێ ھاتەکرن، دیسا رولێ لژنا داکوکیێ ل مافێن روژنامەڤانان، ھەروەسا ئاماژە ب گرنگییا بەلاڤکرنا راپورتا شەش هەیڤی بۆ رایا گشتی ھاتەدان کو ل دیف ستاندارێن جیهانی دھێتە درۆستکرن.
د تەوەرەکێ دی یێ کۆمبۆنێ دا، نوونەرا سەندیکایێ بەحسێ یاسا کارێ رۆژنامەڤانی کر ئەوا ژمارە ٣٥ یا سالا ٢٠٠٧ کو دبیتە ئێک ژ پرۆژێن سەندیکا رۆژنامەڤانێن کوردستانێ، و نھا ل سەرانسەری ھەرێمێ کار پێ دھێتەکرن.
ھەردیسان، ناڤبری بۆ ئالیێن کۆمبۆنێ دیارکر، کو نھا سەندیکا یا کار ل سەر راستڤەکرنا قانوونی دکەت کو ھەموو جورێن راگەھاندنێ بخۆڤە دگریت، مینا دیتن و گوهبیستن، زێدەباری کارێ رۆژنامەڤانی ب رێیا سۆشیال میدیایێ.
ژ ئالیەکێ دی ڤە، ھەموو لایەنێن بەشدار د کۆمبۆنێ دا، تەکەز ل گرنگییا بابەتێ ئازادییا رادەربرینێ کر، دیسا چاوانییا گەرەنتیکرنا ماف و ژیانا رۆژنامەڤان د چارچۆڤێ قانوونێ دا.
ل دۆماھییێ، پێشنیار و بۆچوونین جۆدا ھاتنە گەنگەشەکرن، دیسا چەندین پرۆژێن گرنگ ب کارێ رۆژنامەڤانان ڤە بۆ لایەنێن سەرپەرشتیا کۆمبۆنێ دکر، ھاتنە پێشکێشکرن ژبۆ جێبەجێکرنێ.
