سەندیکای رۆژنامەنووسان سەردانى نوێنەرایەتى حکومەتی هەرێم لەپاریس دەکەن

کارزان حەمید – پاریس

شاندێکى سەندیکای رۆژنامەنووسانى کوردستان سەردانى نوێنەرایەتى حکومەتى هەرێمى کوردستان لەپاریس دەکەن و، لەسەر کۆمەڵێک پرسی هەنووکەیی گفتوگۆ دەکەن، بەتایبەت لەبوارى هەماهەنگی رۆژنامەوانی نێودەوڵەتى. ئازاد حەمەدەئەمین، نەقیبی رۆژنامەنووسانى کوردستان لەو سەردانەدا ئاماژەی بەوە کردووە ” لەسەروبەندی کۆبوونەوەیان لەگەڵ فیدراسیۆنى نێودەوڵەتى رۆژنامەنووسان، کۆمەڵێک پرس و کەیسى تایبەت بەرۆژنامەنووسان تاتوێ کردووە”. ئاشکراشی کرد ” سەندیکاى رۆژنامەنووسانى کوردستان تاکە سەندیکایە لەنێو سەدان سەندیکای جیهانى کەخاوەن پێگەیەو، شوێن دەستى لەزۆربەى کۆنفراسە نێودەوڵەتیەکاندا دیارە”. لەلایەن خۆیەوە عەلى دۆڵەمەری، نوێنەری حکومەتى هەرێمى کوردستان، خۆشحاڵى خۆى بەکارو چالاکییەکانى سەندیکای رۆژنامەنووسان نیشانداوەو، لەگەڵ شاندی سەندیکاى رۆژنامەنووسان تاوتوێی پرسى هەماهەنگی زیاتر کراوە. نەقیبی رۆژنامەنووسانی کوردستان جەختى لەوە کردەوە ” ئەوان بەگرنگەوە دەڕواننە ئەو پەیوەندییانەى لەگەڵ سەندیکای رۆژنامەنووساندا هەیەو، کاریان بەسەر پتەوتر کردن کردۆتەوە”. شاندەکەی سەندیکاى رۆژنامەنووسانى کوردستان هەریەک لە بژار حەکیم، جێگری نەقیب و ، هەندرێن ئەحمەد سکرتێری ئەنجومەن، ئەندامی شاندەکە بوون، چەندین کۆبوونەوەیان لەگەڵ کۆمەڵێک ناوەندو دامەزراوە فەرمییەکان ئەنجامداوە، بەتایبەت لەبرۆکسلی پایتەختى بەلجیکا کۆبوونەوەیەکی تایبەتیان لەگەڵ فیدراسۆنی نیودەوڵەتی رۆژنامەنووسانی جیهانی سازکردبوو، هەوەها لە پاریس پایتەختى فەرەنساش کۆبوونەوەی دیکەییان ئەنجامدا.