لە ژێر دروشمی پارێزگاری کردن لە ژیان و سەلامەتی رۆژنامەنووس ،پارێزگاری کردنە لە ئازادی ڕادەربرین لیژنەی داکۆکی لە ئازادی ڕۆژنامەنووسی و مافی رۆژنامەنووسان و لقی کەرکوکی سەندیکای رۆژنامەنووسانی کوردستان، سیمینارێک له‌سه‌ر ره‌وشی رۆژنامەنووسانی شاری کەرکوک سازدەکات.
بە ئامادەبوونی بەرێز ئازاد حەمەدەمین نەقیبی رۆژنامەنوسانی کوردستان و بەرێز ئەکەد موراد ئەندامی ئەنجومەنی سەندیکا و سکرتێرو ئەندامانی لیژنەی داکۆکی و سكرتێری لقی كه‌ركوك و ئه‌ندامانی لق ڕۆژی 23/2/2020 لیژنەی داکۆکی لە ئازادی رۆژنامەنوسی و مافی رۆژنامەنوسان بەهەماهەنگی لقی کەرکوکی سەندیکای رۆژنامەنوسانی کوردستان ،بۆ زیاتر ئاگاداربوون لە بارودۆخی رۆژنامەنوسانی پارێزگای کەرکوک دیدارێکیان بۆ رۆژنامەنوسانی شاری کەرکوک ڕێکخست. لەگەڵیشیدا خەڵاتی ڕێزلینان بەسەر ئەو رۆژنامەنوسانەدا دابەش کرا کە ساڵی 2019 پێشێلکاریان بەرامبەر کراوەو سکاڵایان لە لیژنەی داکۆکی تۆمارکردوە. لەکۆتایشدا نەقیبی سەندیکای رۆژنامەنوسان بەڵێنی پشتیوانی زیاترو هەنگاو زیاتر بۆ باش کردنی رەوشی رۆژنامەنوسان لە شاری کەرکوک دا .
