لە هەولێر لە دووەمین لوتکەى تەندروستى کوردستان، کە کۆنفرانسێکى ساڵانەیە (KHS)، رێکى دەخات رۆژانى 2 تا 4ى تشرینى یەکەم 2021 بە ئامادەبوونى نوێنەرانى نێودەوڵەتى 26 وڵات و ئەکادیمیست و پزیشک و تەندروستکاران، بەرێوەچوو لە (40) چالاکى، پانێڵ و وۆرک شۆب و فوکەس سێشن لە دوو هۆڵى جیاواز، رۆژى یەکەم بە ئامادەبوونى هەزار پزیشک دەستى پێکرد، هەروەک زانکۆکانى هارڤەر و ئوکسفۆرد لە لەندەن بەشداریەکى دیاریان هەبوو، لە پانێڵى رۆڵى میدیا لە بلاوکردنەوەى زانیارى تەندروستى، ئازاد حەمەدەمین نەقیبى رۆژنامەنووسانى کوردستان بە بابەتێک لەژێر ناونیشانى (میدیاى تەندروستى و چۆنیەتى کارکردن بۆ ئامادەکردنى ژورنالستى پسپۆر لەو بوارە دا ) لە رۆژى دووەمى کۆنفرانسەکەدابەشداربوو، کە گفتوگۆیەکى چڕوپر لەسەر ئەو مژارە کراو پێشنیار و راسپاردەى پێویست لەو بارەیەوە خرایە بەردەم ئەندامانى کۆنگرە.
