پێش نێوه‌رۆی ئه‌مرۆ یه‌ك شه‌ممه رێكه‌وتی 30/1/2022 ئازاد حه‌مه‌ده‌مین نه‌قیبی رۆژنامه‌نووسانی كوردستان، به یاوه‌ری بژار حه‌كیم، جێگری نه‌قیبی رۆژنامه‌نووسان سه‌ردانی د. رێواز فایه‌ق ، سه‌رۆكی په‌رله‌مانی كوردستانیان كرد. له كۆبونه‌وه‌كه‌دا گفتوگۆ كرا له باره‌ی ره‌وشی ئازادی رۆژنامه‌گه‌ریی له هه‌رێمی كوردستان، هه‌ردوولا هاورابوون له‌سه‌ر پاراستنی بنه‌ماكانی ئازادی رۆژنامه‌نووسی له هه‌رێمی كوردستان. د. رێواز فایه‌ق سه‌رۆكی په‌رله‌مانی كوردستان پشتیوانی خۆی و په‌رله‌مانی كوردستانی بۆ سه‌ندیكای رۆژنامه‌نووسان و ئازادی رۆژنامه‌نووسی له چوارچێوه‌ی یاسادا دووپات كرده‌وه.
