بەیاننامەی ناڕەزایەتی  لیژنەی داکۆکی لە ئازادی ڕۆژناگەریی‌و مافی رۆژنامەنووسان

 

 

ئەمرۆ  شەممە بەرواری ٥-٢-٢٠٢٢ فەرمانگەی راگەیاندنی ئەنجوومەنی جێبەجێکاری بەڕێوەبەرایەتی خۆسەر لەرۆژئاوای کوردستان رێگەی کارکردن و مۆڵەتی کارکردنی بۆ تۆڕی میدیایی رووداو لە ناوچەکانی باکوور و رۆژهەڵاتی سووریا راگرت. وەهەموو مۆڵەتەکانی کارکردن و مۆڵەتەکانی ئەرکی رۆژنامەگەری کە دراون بە تۆڕەکە و کارمەندانی تۆڕەکە لە باکوور و رۆژهەڵاتی سووریا لێیان سەندنەوە. ئەم کارانەی کە بەڕێوەبەرایەتی خۆسەری دەیکات لەساڵی رابردوشدا چەند جار ئاسایشیان  هێرشی نائیتیکی  ونایاسایی و توندوتیژی کردوەتە سەر نوسینگەو کارمەندانی هەردوو کەناڵی رووداو کوردستان ٢٤، بەم کارەیان جگە لەوەی شەرمەزاری و ئەزموونێکی رەشی لەئازادی رۆژنامەگەری و ناسەرکەوتووی تۆمارکرد ، پێمان دەڵێت کە لەم ناوچەو  ئەم بەرێوەبەرایەتی خۆسەریدا تەحەمولی هیچ کارێکی رۆژنامەگەری ناکات بەدڵی ئەو بەرێوەبەرایەتیەنەبێت ونایەوێت زانیاریەکانی ئەو ناوچەیە بگاتە جیهان . ئێمە سەرباری سەرکۆنەی توندی ئەم جۆرە کارانەوە ئاگادارکردنەوەی ر ێکخراوە نێودەوڵەتیەکان وهەڵوێستی توندمان ،ئەوە بە بەڕێوەبەرایەتی خۆسەری رۆژئاوا دەڵێن کەهەرگیز بەداخستنی کەناڵی رووداو کەلەسەرەتای دامەزراندنی ئەو بەرێوەبەرایەتیە رۆڵی کاریگەری هەبوە لەگواستنەوەی زانیاریەکانی ئەوناوچەیە بەجیهان ، هیچ کاتێک ناتوانن درز لەنێوان خەڵک لەهەرچوارپارچەی کوردستان و رۆژئاوا  دروست بکەن، هەموو کوردستان چاوی لەسەر رۆژئاوایە وهەموو هاوڵاتیانی رۆژئاوای کوردستان بەشێک دەبن لە میدیاو بەشداردەبن لەگواستنەوەی زانیاریەکان. بۆیە هیوادارین بەڕێوەبەرایەتی خۆسەری بەم جۆرە کارانەی بچێتەوەو زیاتر لەوە ئیدارەکەیان لەکەدارنەکەن بە پرسی ئازادی رۆژنامەگەری و رێگری کردن لە راگەیاندن.

 

لیژنەی داکۆکی لە ئازادی رۆژنامەگەری‌و مافی رۆژنامەنووسان

5/2/2022