رۆژانی 21 تاكو 23/2/2022 بۆماوەی سێ رۆژ لە بارەگای ئەنجوومەنی سەندیكا لە شاری هەولێری پایتەخت، سەندیكای رۆژنامەنووسانی كوردستان، نوسینگەی سەلامەتی پیشەیی بە هاوكاری فیدراسیۆنی رۆژنامەنووسانی نێودەوڵەتی(IFJ) خولێك بۆ راهێنەری روژنامەنوسی مێینە كردەوە
خولەكە لەلایەن محمد عقراوی راهێنەری IFJ پێشكەشكرا كە بابەتەكانی بریتی بون لە سەلامەتی پیشەیی وەكو ( خەسڵەتەكانی راهێنەر وەكو پێوەرەكانی ئەوروپی و جیهانی، وەهەست كردن بە مەترسی ، وپلاندانان، كارەكانی ئاژاوە لە كاتی خوپیشاندان، و سەلامەتی كات و سەفر كردن، رێنماییەكان بۆ روژنامەنووسی مێیینە لەكاتی سەفەر كردن و دەست درێژی سێكسی و سكیوریتی تایبەتی بۆ روژنامەنووسی مێیینە ، روداوەكانی هاتووچۆ). لەكۆتایی خولەكە وەكو قۆناغی یەكەم نەقیبی رۆژنامەنووسان ئازاد حەمەدەمین سوپاسی IFJ كردو لە وتارەكەیدا جەختی كردە سەر ئەوەی كە ئەنجوومەنی سەندیكا چۆن پاڵپشتی نوسینگەی سەلامەتی پیشەی كردووە و بەردەوامیش دەبێت لەو پاڵپشتیە. هەروا هیوای سەركەوتنی خواست بۆ راهێنەران و بەشداربووان و جەختی كرد لەسەر ئەوەی كە پێویستە رێز بگرین لە رێنمایی و یاسا نێودەوڵتیەكان و بەتایبەتی یاسای رۆژنامەگەری و سوشیال میدیا ، دواتر سكرتێری ئەنجوومەنی سەندیكا ، هندرین ئەحمەد وتی ئەنجومەنی سەندیكا لەگەڵ IFJ پاڵپشتی بەرنامەی سەلامەتی پیشەیی دەكەن و هیوای سەركەوتنی خواست بۆ بەشدار بووان و هەروا ئاماژەكرد بە كردنەوەی خولێكی تر لە مانگەكانی داهاتوو بە سەرپەرشتی ئەنجوومەنی سەندیكا و فیدراسۆنی رۆژنامەنووسان. لە كۆتایی خولەكەدا بەرێز ئەكەد موراد ئەندامی ئەنجوومەنی وتی هیوادارم خانمانی بەشدار بوو لەم خولە سودیان وەرگرتبێت و سوپاسی راهێنەری خولەكەیشی كرد.
