لە 124 ساڵیادی رۆژنامەگەریی کوردی و 24 ساڵیادی دامەزراندنی سەندیکای رۆژنامەنووسانی کوردستان، رۆژی 22ی نیسان سەندیکای رۆژنامەنووسانی کوردستان بە هاوکاری فیدراسیۆنی رۆژنامەنووسانی نێودەوڵەتی(IFJ) لە هۆڵی شیراتۆن هەولێر، دووەمین دیداری نێودەوڵەتی رۆژنامەنوسانیان لە ژێر دروشمی(رۆژنامەنووسی پیشەیی لە رۆژگاری سوسیال میدیا دا)ئەنجامدا، لە سەرەتای مەراسیمەکە، ئازاد حەمەدەمین نەقیبی رۆژنامەنووسانی کوردستان بە خێرهاتنی ئامادەبوان و نوێنەرانی (IFJ) و پانیلستەکان کرد و کە لە وڵاتانی ئەورپاو رۆژهەڵاتی ناوین هاتبوون، پاشان پارێزگاری هەولێر و د. جوتیار عادل بەرپرسی فەرمانگەی میدیا و زانیاری و مونیر زعرور بەرپرسی سیاسەت و پرۆژەکانی رۆژهەڵاتی ناوینی (IFJ) وتاریان خوێندەوە.
دوای کۆمەڵێک چالاکی هونەری لە تابلۆی پێکەوەژیان لە لایەن تیپی هونەرە میللەکان و چەند پارچە موسیقایەک لەلایەن تیپی نەورۆز و پیشاندانی فلمێکی دیکۆمێنتاری لەسەر رۆژنامەگەریی و سەندیکای رۆژنامەنووسان، دیدارەکە تا ئێوارە بە دوو پانێلی سەرەکی لەسەر میدیای پیشەیی و سوسیال میدیا لەلایەن فیدراسیونی نێودەوڵەتی و پسپۆران و مامۆستایانی زانکۆ لە وڵاتانی ئەوروپا و کامیرۆن و مەغریب و وڵاتانی تر بەردەوام بوو کە تیایدا، پەرلەمانتاران و مامۆستایانی زانکۆ و رۆژنامەنووسانی کوردستان و تێکرای لق و نووسینگەکانی سەندیکای رۆژنامەنووسانی کوردستان گفتوگۆ و دیالۆکێکی کراوەیان کرد و دیدارەکە وەکو روداوێکی گرنگ و لە پەراوێزدا کۆرو کۆبونەوەی میدیاکاران و دەزگاکانی میدیا بەرێوە چوون لە کۆتایی دیدارەکە جێگری نەقیبی رۆژنامەنووسان بژار حەکیم پوختەی راو پێشنیارەکانی دیدارەکەی خستەروو و پاشان خەڵات بەسەر پانێسلەتەکان دابەشکرا.
