ئەمڕۆ دووشەممە 4ی تەمموزی 2022 لە شاری هەولێر پایتەختی هەرێمی کوردستان لە پرێس کۆنفراسێکدا بە ئامادە بوونی دەزگاکانی راگەیاندن لیژنەى داکۆکى لە ئازادى ڕۆژنامەنووسى و مافى ڕۆژنامەنووسان لە کوردستان راپۆرتی شەش مانگی یەکەمی ساڵی 2022 راگەیاند، كە لە رێكەوتی 1/1/2022 تا 30/6/2022 تۆمار کراون .
جۆرەکانی پێشێلکارییەکانیش بەم شێوەیە لە لایەن د. نەزاکەت حوسێن سەرۆکی لیژنەى داکۆکى لە ئازادى ڕۆژنامەنووسى و مافى ڕۆژنامەنووسان لە کوردستان خوێندرایەوە کە 22 حاڵەت بەرامبەر 62 رۆژنامەنووس کراوە:.
جۆرەکانی پێشێلکاری:
دەستگیرکردن 2 کەیس، 10 رۆژنامەنووس دەستگیرکراون.
رێگەنەدان بە رووماڵ و جیاکاری لەگەڵ کەناڵەکان 8 کەیس، جیاکاری بەرامبەر بە 20 رۆژنامەنووس کراوە و رێگەی لێگیراوە.
شکاندنی کەلوپەلی رۆژنامەڤانی و دەست بەسەردا گرتنی 3 کەیس بووە بەرامبەر بە 9 رۆژنامەنووس ئەنجامدراوە
هێرش و سووکایەتی 4 کەیس بەرامبەر بە 8 رۆژنامەنووس ئەنجامدراوە.
هەڕەشە یەک کەیس بووە بەرامبەر بە 2 رۆژنامەنووس ئەنجامدراوە.
دەرکردن لە کار 2 کەیس بووە، 11 رۆژنامەنووس لەکاردەکراون.
داخستنی نووسینگە و کەناڵ یەک کەیس بووە بەرامبەر یەک دەزگەی رۆژنامەڤانی.
هێرشکردنە سەر کەناڵ و راگرتنی کەناڵ یەک کەیس بووە بەرامبەر بە 2 دەزگەی رۆژنامەڤانی.
پێشێلکارییەکان بەپێی پارێزگاکان:
هەولێر 9 کەیس
سلێمانی 5 کەیس
دهۆک 3 کەیس
کەرکووک 3 کەیس
رۆژئاوای کوردستان 1 کەیس
پێشێلکارییەکان بەپێی رەگەز:
58 لەو رۆژنامەنووسانەی پێشێلکاریان بەرامبەر کراوە لە رەگەزی نێرن، چواریان لە رەگەزی مێن
ژمارەی سکاڵاکان:
3 سکاڵا تۆمارکراوە
