سەندیکای رۆژنامەنووسانی کوردستان یادداشتی لێکتێگەیشتنی بۆ پەرەپێدانی کاری میدیا لە هەرێمی کوردستان واژۆ کرد.
ئەمڕۆ چوارشەممە رێککەوتی ٦ـی ٧ـی ٢٠٢٢ لە بارەگای ئەنجوومەنی سەندیکا لە شاری هەولێر، بە ئامادەبوونی ئازاد حەمەدەمین، نەقیبی رۆژنامەنووسانی کوردستان و بژار حەکیم، جێگری نەقیب و هندرێن ئەحمەد سکرتێری ئەنجوومەن و ئەکەد موراد ئەندامی ئەنجوومەن، سەندیکای رۆژنامەنووسان لەگەڵ رێکخراوی ستێپ یاداشتی لێکتێگەیشتنی واژۆ کرد.
دوای واژۆ کردنی یاداشتی لێکتێگەیشتنەکە، ئازاد حەمدەمین نەقیبی رۆژنامەنووسانی کوردستان و سەربەست مستەفا سەرۆکی رێکخراوی ستێپ لە کۆنگرەیەکی رۆژنامەوانیدا ناوەڕۆکی یاداشتەکەیان بۆ دەزگاکانی راگەیاند ئاشکرا کرد.
یادداشتەکە تایبەتە بەکار و ئامانجی هاوبەش لە پێناو پەرەپێدانی کاری میدیا لە هەرێمی کوردستان.
