لیژنەی داکۆکی لە ئازادی رۆژنامەنووسی و مافی رۆژنامەنووسان، راپۆتی پێشێلکارییەکانی ساڵی رابردووی بڵاوکردەوە، کە دژ بە رۆژنامەنووسان ئەنجامدراون.
رۆژی دووشەممە رێککەوتی 23ـی 1ی 2023لیژنەی داکۆکی لە ئازادی رۆژنامەنووسی و مافی رۆژنامەنووسان، لە هۆتێل هەولێری نێودەوڵەتی راپۆرتی پێشێلکارییەکانی دژ بە رۆژنامەنووسان بۆ ساڵی 2022بڵاوکردەوە.
لە رێوڕەسمی بڵاوکردنەوەی راپۆرتەکەدا، مونیر زەعروور، بەرپرسی سیاسەت و پلاندانی رۆژهەڵاتی ناوەڕاست لە فیدراسیۆنی رۆژنامەنووسانی جیهان و مامۆستایانی زانکۆ و دامودەزگە حکومییەکان ئامادەی بوون.
بەر لە بڵاوکردنەوەی راپۆرتی پێشێلکاری، ڤیدیۆیەکی دیکیۆمێنتاری کە باسی گێچەڵی سێکسی دژی رۆژنامەنووسانی مێینەی دەکرد پەخش کراو دواتر لێکۆڵینەوەیەکی زانستیش پێشکەش کران.
دواتر مونیر زەعروور، بەرپرسی سیاسەت و پلاندانانی رۆژهەڵاتی ناوەڕاست و ئازاد حەمەدەمین نەقیبی رۆژنامەنووسانی کوردستان و بژار حەکیم جێگری نەقیب و هەندرێن ئەحمەد سکرتێری ئەنجوومەنی سەندیکا، لەگەڵ سەرۆکی بەشەکانی راگەیاندن لە زانکۆکانی کوردستان کۆبوونەوە، بۆ تاوتوێکردنی پرۆگرامی خوێندنی سەلامەتی پیشەیی لە زانکۆ و پەیمانگەکانی کوردستان.