ئەمڕۆ پێنج شەممە بەرواری ٢٦ /١ / ٢٠٢٣ بەسەرپەرشتی لیژنەی ڕۆژنامەنووسانی وەرزشی كوردستان و بە هاوکاری ڕاگرایەتی فاکەڵتی پەروەردەی وەرزشی زانکۆی کۆیە و بەسپۆنسەری دامەزراوەی كەریمی ئەلەكە و بەئامادەبوونی چەندین دكتۆر و مامۆستاو میدیاكارانی وەرزشی و خوێندکارانی كۆلێژی پەروەردەی وەرزشی كۆیە ،سیمینارێك بۆ یەكخستنەوەی زاراوە وەرزشییەكان سەركەوتوانە ئەنجام درا .
لەسیمینارەكەدا سەرەتا بەرێز (نەبەز محمد علی ) ئەندامی لیژنەی ڕۆژنامەنووسانی وەرزشی كوردستان وێرای سوپاس و دەستخۆشی لێكردن لەسەرۆکایەتی زانکۆی کۆیە و ئامادەبووان، ئامانج و ئاکامی ئەم سیمنارەی روونکردەوەو سوپاسی ڕاگری فاکەڵتی پەروەردەی وەرزشی كۆیە بەرێز دكتۆر (نەبەزعەبدوڵا )و هەموو ئەو بەڕێزانەی کرد کە هاوكار و پاڵپشتی لێژنەكە بون بەمەبەستی سازدانی سیمینارەكە.
دواتر دكتۆر (ئەحمەد بەهادین ) تیشکی خستە سەر سیمینارەكە بەچۆنیەتی یەكخستنەوەی زاراوە وەرزشیەكان و هەموو ئەو بابەتە گرنگانەی كەپەیوەست بوون بەزاراوە وەرزشییەكان بەشێوەیەكی زۆر جوان و زانستیانە .
پاشان دكتۆر (هاوكار سالار ) لەرێگەی داتاشۆوە ئاماژەیدا بە چۆنیەتی شێوازی کارکردن و رونكردنەوەی پێویستی خستە ڕوو ، هەر لەدرێژەی سیمینارەكەدا لەلایەن بەشداربوانەوە گفتوگۆ و رونکردنەوەی پێویست خرایە بەردەم ڕێکخەرانی سیمینارەکە ، دواتریش سووپاس و پێزانینی فەرمی لیژنەی ڕۆژنامەنووسانی وەرزشی كوردستان وەك (رێزلێنان) پێشكەش بە ڕۆژنامەنووسان و دەزگاکانی ڕاگەیاندنی وەرزشی كرا.
