ب ئامادەبونا ئازاد حەمەدەمین نەقیبێ رۆژنامەنڤیسێن کوردستانێ و نوینەرێ پارێزگارێ دهوکێ و هژمارەکا بەرپرسێن دەزگەهێن راگەهاندنێ و نوینەرێن دەزگەهێن سڤیل و کەمەکا رۆژنامەڤانان رێورەسمێن بدوماهئینانا خۆلەکا رۆژنامەڤانی یا تایبەت ب رۆمالکرنا توندوتیژیا دژی ژنان بو دەزگەهێن راگەهاندنێ هاتە سازکرن.
خۆل سەندیکا رۆژنامەنڤیسێن کوردستانێ لقێ دهۆک و ب هەڤکاری دگەل سەنتەرێ وێ Weh پالپشتیا رێکخراوا GIZ یا ئەڵمانی ل باژێڕێ دهۆکێ بو ١٥ رۆژنامەڤانێن کچ برێڤەبر، و تێدا ڤیان عەباس سکرتێرا لقا دهۆک یا سەندیکا رۆژنامەنڤیسێن کوردستانێ، و ماموستایێ زانکۆیێ راهێنەر عەدنان یوسف و هەروەسا راهێنەر و پارێزەر و رۆژنامەڤان کاروان نجیب محمد وانە و بابەتێن خۆلێ پێشکێشدکرن. و ل دوماهیا خۆلێ پشکداران بەرهەمێن خۆ پێشکێشکرن و باوەرنامێن پشکداربونێ لسەر پشکداران هاتنە بەلاڤکرن. هەروەسا خەلاتێ رێزگرتنێ ژ لایێ نەقیبێ رۆژنامەنڤیسان ڤە ب هەرسێ راهێنەرێن خۆلێ هاتە دان.
