ئەمرۆ 17ی ئاداری 2024 دکتۆر دیندار زێباری رێکخەری راسپاردە نێودەوڵەتیەکان، سەردانی ئۆفیسی سەرەکی سەندیکای رۆژنامەنووسانی کرد، لەگەڵ ئازاد حەمەدەمین سەرۆکی سەندیکای رۆژنامەنووسانی کوردستان کۆبونەوەیەکی هاوبەشیان ئەنجامدا، جەخت لەسەر دۆخی ئازادیە گشتییەکان لەوانەش ئازادی رۆژنامەگەری و لەمپەرو بەربەستەکانی بەردەم ئەو ئازادیە کرا، بریار لەسەر چەند رێکارو رێوشوێن درا بۆ باشتر رێکخستنی هاوئاهەنگی و ئامادەکردنی داتایەکی گشتگیری کەیسەکانی رۆژنامەگەری بە گوێرەی یاسای ژمارە 35ی ساڵی 2007 لە دادگاکانی هەرێمی کوردستان، هەروا بریاردرا لەمەودوا نوێنەری سەندیکا لە ئۆفیسی راسپاردە نێودەوڵەتیەکان دیاری بکرێت بۆ باشتر هەماهەنگی لەو بارەیەوە.
