بە دەستپێشخەری سەنتەری داکۆکی و ئازادی رۆژنامەنووسان، بە هاوبەشی وەزارەتی گەیاندنی ئوردن، دیداری ئایندەی راگەیاندن و گەیاندن(2) لە ژێر دروشمی (بەرزبونەوەی گۆرانکاری و داتەپینی چەمکەکان) بۆ رۆژانی (29 و 30)ی ستێمبەری 2024 رێکخست.
لەم دیدارەدا دەزگاکانی رێکخراوی نەتەوەیەکگرتووەکان(UN) و ناوەندی نێودەوڵەتی پشتیوانی لە رۆژنامەنووسان، زۆرینەی کەناڵە کاریگەرەکان، پلاتفۆرمەکانی سوسیال میدیا و دروستکەرانی ناوەرۆک بەشدارن.
لە رۆژی یەکەم، لەتەوەری(داکۆکی لە رۆژنامەنووسان… بەچی گەیشتن؟ رێکارە یاساییە نێودەوڵەتییەکان و پراکتیک) ئازاد حەمەدەمین نەقیبی رۆژنامەنووسانی کوردستان بەشدار بوو، لەگەڵ هەریەکە سکۆت جێڤرین سەرۆکی پەیمانگای نێودەوڵەتی رۆژنامەنووسان، دانا ئەحمەد لە رێکخراوی ئەمنیستی ئەنتەر ناسیونال و محەمەد حەمادی نەقیبی رۆژنامەنووسانی ئیمارات و ئەحمەد بن شەمس بەرێوەبەری باکوری ئەفریقیاو رۆژهەڵاتی ناوینی هیومەن رایت ۆچ.
